35 Nou pou osi anmenn bann premye fri mir ki nou rekolte lo nou later ek bann premye fri mir dan tou sort kalite pye fri, tou le lannen, pour lakaz Zeova+ 36 e osi nou premye garson ki nou gannyen ek premye zannimo ki ne,+ parey in ganny ekrir dan Lalwa e osi premye ne parmi nou bann bef ek mouton. Nou pou anmenn zot kot lakaz nou Bondye, kot bann pret ki travay kot lakaz nou Bondye.+ 37 Nou pou osi anmenn nou bann premye lafarin,*+ nou bann kontribisyon, diferan kalite fri,+ nouvo diven ek delwil,+ kot bann pret pour met dan bann stor* lakaz nou Bondye,+ ansanm avek en dizyenm* nou bann rekolt pour bann Levit,+ parski bann Levit ki anmas bann dizyenm bann keksoz dan tou lavil kot nou annan laferm.