4 Alor, bann Moabit ti dir bann ansyen Madyann:+ “Sa pep pou detrir tou sa ki otour nou, zis parey en toro i manz zerb dan lakanpanny.”

Sa letan, Balak garson Zipor ti lerwa Moab. 5 I ti anvoy bann mesaze kot Balaam garson Beor, ki ti pe reste Petor+ o bor Larivyer* dan son pei natal. I ti anvoy sers li e dir: “Ekoute! I annan en pep ki sorti Lezip. Zot in ranpli later antye+ e zot pe reste lanmenm la devan mwan. 6 Alor, silvouple, vin modi sa pep pour mwan,+ parski zot pli for ki mwan. Petet mon pou kapab defet zot e pous zot dan sa pei, parski mon konn tre byen ki sa enn ki ou beni pou ganny beni e sa enn ki ou modi pou ganny modi.”