12 mon pou fer sa ki ou’n demande.+ Mon pou donn ou lasazes* ek lentelizans,+ parski zis parey i pa’n deza annan en dimoun ki parey ou avan, i pa pou zanmen annan en dimoun ki parey ou ankor.+

29 Bondye ti donn Salomon bokou lasazes ek disernman e osi bokou lentelizans* parey disab o bor lanmer.+

11 I ansenny nou+ plis keksoz ki bann zannimo lo later+

E i fer nou vin pli saz ki bann zwazo dan lesyel.

 6 Parski Zeova ki donn lasazes.+

Son parol i fer dimoun ganny konnesans ek disernman.

26 Bondye i donn sa dimoun ki i kontan, lasazes, konnesans ek lazwa,+ me i donn sa dimoun ki fer pese sa travay pour rekolte e anmase pour donn sa dimoun ki sa vre Bondye i kontan.+ Sa osi pa fer sans, i konmsi ou pe tay deryer divan.

17 Deplis, sa vre Bondye ti donn sa kat zenn* lasazes, konnesans ek lentelizans pour konpran tou sort kalite liv* e Bondye ti donn Danyel abilite pour konpran tou sort kalite vizyon ek rev.+

25 Alor Zezi ti dir: “Papa, Senyer lesyel ek later, mon loue ou an piblik, parski ou’n kasyet tou sa bann keksoz avek bann ki saz e entelizan e ou’n revel zot avek bann zanfan.+

5 Alor, si enn parmi zot i mank lasazes, i devret kontinyen demann Bondye+ e i pou gannyen,+ parski Bondye i donn tou dimoun avek zenerozite san fer okenn repros.+