• Psonm 15:1-5
    Labib—Tradiksyon nouvo lemonn

    • 15 O Zeova, lekel ki pou ganny envite dan ou latant?

      Lekel ki pou reste lo ou montanny sen?+

       2 Sa enn ki san defo*+

      Ki kontinyen fer sa ki byen+

      E ki dir laverite dan son leker.+

       3 I pa servi son lalang pour fer kalonmni.+

      I pa fer nanryen mal son prosen+

      E i pa koz an mal lo* son bann zanmi.+

       4 I rezet bann move dimoun,*+

      Me i onor bann ki annan en gran respe pour Zeova.

      I pa kas son promes,* menm ler i pa dan son lavantaz.+

       5 I pa demann lentere ler i pret larzan+

      E i pa aksepte gous pour fer ditor en dimoun inosan.+

      En dimoun ki fer tousala pa pou zanmen tonbe.*+

  • Psonm 84:1-4
    Labib—Tradiksyon nouvo lemonn

    • 84 O Zeova Sef larme,

      Ou gran tabernak* i vreman zoli!*+

       2 Mon vreman anvi,

      Wi, mon feb telman mon anvi

      Al dan bann lakour lakaz Zeova.+

      Avek tou mon leker ek lafors, mon kriy avek lazwa akoz sa Bondye vivan.

       3 Menm zwazo i trouv en landrwa reste dan ou lakaz

      E zirondel* in fer son nik

      Kot i pran swen avek son piti

      O bor ou gran lotel, O Zeova Sef larme,

      Mon Lerwa e mon Bondye.

       4 Ere bann ki reste dan ou lakaz!+

      Zot kontinyen loue ou.+ (Sela)