9 “Me fer byen atansyon e fer sir ki zot pa oubliy bann keksoz ki zot in vwar, pour ki sa bann keksoz i reste dan zot leker tou dilon zot lavi. Zot devret fer zot zanfan ek pti zanfan osi konn sa bann keksoz.+

6 Sa bann komannman ki mon pe donn ou ozordi, i devret dan ou leker 7 e ou devret ansenny zot avek* ou zanfan,+ koz lo la ler ou asize dan ou lakaz, ler ou marse lo semen, ler ou alonze e ler ou leve.+

21 ou pou dir ou zanfan, ‘Nou ti vin lesklav Faraon Lezip, me Zeova ti fer nou sorti Lezip avek son lanmen for.

18 “Zot devret gard* mon bann parol dan zot leker ek lespri. Anmar sa bann parol lo zot lanmen konman en rapel e zot devret vin konman en bando lo zot fron.*+ 19 Ansenny zot zanfan sa bann parol, koz lo la ler zot asize dan zot lakaz, ler zot marse lo semen, ler zot alonze e ler zot leve.+

6 e i pou en siny parmi zot. Si en zour zot zanfan* i demann zot, ‘Akoz zot in met sa bann ros la?’+ 7 Alor zot devret dir zot: ‘Sa i akoz Larivyer Zourden ti aret koule devan lars+ lalyans Zeova. Ler lars ti travers Larivyer Zourden, sa larivyer ti aret koule. Sa bann ros pou fer pep Izrael rapel sa ki ti arive pour touzour.’”*+