13 Deswit Moiz ti lev son baton lo Lezip e Zeova ti fer divan les soufle lo sa pei tou lazournen e tou lannwit. Son lannmen bomaten, divan les ti anmenn bann sotrel. 14 Bann sotrel ti anvai Lezip antye e zot ti reste partou Lezip.+ Sa sityasyon ti vreman terib.+ I pa ti’n deza annan sa kantite sotrel avan e i pa pou zanmen annan sa kantite osi ankor. 15 Zot ti kouver sa pei antye e i ti fernwanr dan pei akoz zot. Zot ti manz tou bann plant dan pei e tou bann pye fri ki lagrel pa ti’n detrir. I ti napa okenn fey ver lo bann pye dibwa oubyen plant dan lakanpanny ki ti reste partou Lezip.