15 Ler serviter* Elisa ti leve granmaten e al deor, i ti vwar en larme avek zot bann seval ek saret lager ki ti pe anserkle lavil. Deswit sa serviter ti dir li: “Ar wi mon met! Ki nou pou fer?” 16 Me i ti dir: “Pa bezwen per!+ Parski i annan plis avek nou ki i annan avek zot.”+

 3 Ou pou protez bann ki konpletman depan lo ou.*

Ou pou kontinyen fer zot anpe,+

Parski zot annan konfyans dan ou.+

9 Alor, Zeova* i konnen ki mannyer pour delivre dan problenm,* bann dimoun ki annan devosyon pour li,+ me i konnen ki mannyer pour gard bann move dimoun pour zot ganny detrir zour zizman,+