22 Sa letan Eli ti’n vye, me i ti’n tann tou sa ki son bann garson ti pe fer+ anver bann Izraelit e ki zot ti pe dormi avek bann madanm ki servi dan larantre latant renyon.*+ 23 I ti dir zot: “Akoz zot kontinyen fer bann keksoz koumsa? Parski tou sa ki dimoun pe dir mwan lo zot i mal. 24 Non mon bann garson, sa ki mon pe tann rakonte lo zot parmi pep Zeova, pa bon ditou. 25 Si en zonm i fer pese kont en lot zonm, en dimoun i kapab demann Zeova pour ed li,* me si en zonm i fer pese kont Zeova,+ lekel ki kapab priy pour li?” Me zot ti refize ekout zot papa, parski Zeova ti’n fini deside pour met zot amor.+