16 Me Rit ti dir: “Silvouple, pa demann mwan pour kit ou oubyen pour aret swiv ou. Parski kot ou ale, mon pou ale e kot ou pas lannwit, mon pou pas lannwit. Ou pep pou vin mon pep e ou Bondye mon Bondye.+ 17 Kot ou mor, mon pou mor e mon pou ganny antere lanmenm. Ki Zeova i pini mwan severman* si mon les okenn keksoz apard ki lanmor separ nou.”

2 Vi ki Zonatan ti vreman kontan David,+ Zonatan ti dir David: “Mon papa Sail i anvi touy ou. Silvouple fer byen atansyon demen bomaten, al dan en landrwa sekre e reste kasyet.