22 Apre, Samyel ti dir: “Ki Zeova i pli kontan? Bann lofrann brile* ek sakrifis+ oubyen ler en dimoun i obeir sa ki Zeova i dir? Gete! I pli enportan pour obeir ki pour ofer en sakrifis.+ I pli enportan pour ekoute ki pour ofer lagres+ bann mal mouton. 23 Parski ler en dimoun i rebele,+ sa i parey ler en dimoun i devinen+ ki en pese e ler en dimoun i fer sa ki i pa ganny drwa fer,* sa i parey fer mazik ek ladorasyon zidol.* Vi ki ou’n rezet parol Zeova,+ li osi i’n rezet ou konman lerwa.”+

 6 Parski lanmour fidel* ki fer mwan plezir, me pa bann sakrifis

E ki dimoun i konn Bondye, olye ofer bann lofrann brile.+

 7 Eski Zeova pou kontan plizyer milye mal mouton?

Eski i pou kontan en kantite* delwil?+

Eski mon pou donn mon premye garson pour mon fot?*

Eski mon pou ofer mon zanfan* pour mon pese?+

 8 Me Bondye in fer ou konnen kwa ki byen.

Ki Zeova pe demann ou* pour fer?

I zis demann ou pour demontre lazistis,*+ kontan fidelite*+

E avek limilite,+ mars* avek ou Bondye!+

7 Me si zot ti’n konpran ki sa i vedir, ‘Pa sakrifis ki mon oule me konpasyon,’*+ zot pa ti pou’n kondann bann ki pa koupab.