28 Pep Izrael antye ti tann sa zizman ki lerwa ti’n fer e zot ti enpresyonnen avek* lerwa+ parski zot ti vwar ki i ti annan lasazes Bondye pour li ziz avek lazistis.+

29 Bondye ti donn Salomon bokou lasazes ek disernman e osi bokou lentelizans* parey disab o bor lanmer.+ 30 Lasazes Salomon ti pli bokou ki lasazes tou dimoun ki ti reste dan Les ek Lezip.+ 31 I ti pli saz ki tou lezot dimoun. I ti pli saz ki Etann+ en Ezrait ek Emann,+ Kalkol+ ek Darda, bann garson Maol. I ti vin renonmen dan tou bann nasyon otour li.+

10 Aprezan, donn mwan lasazes ek konnesans+ pour diriz sa pep,* parski lekel ki kapab ziz ou pep ki sitan gran?”+

11 Bondye ti dir Salomon: “Vi ki ou anvi sa e ou pa’n demann larises, loner oubyen lanmor* bann ki ay ou, ni pour ou viv lontan,* me ou’n demann lasazes ek konnesans pour ziz mon pep ki mon’n fer ou vin zot lerwa,+ 12 mon pou donn ou lasazes ek konnesans. Mon pou osi donn ou larises ek loner ki okenn lerwa avan ou pa’n deza annan e okenn lerwa apre ou pa pou zanmen annan.”+