6 “Alor sa i bann komannman, lareg ek lalwa ki Zeova zot Bondye in donnen pour ansenny zot, pour ki zot obeir sa bann lalwa ler zot travers Larivyer Zourden pour pran sa pei konman zot propriyete. 2 Koumsa zot, zot zanfan ek zot pti zanfan pou annan en gran respe pour Zeova zot Bondye e tou dilon zot lavi, zot pou obeir tou son bann lalwa ek komannman ki mon pe donn zot,+ pour ki zot viv lontan.+

12 “Aprezan Izrael, ki Zeova ou Bondye pe demann ou pour fer?+ I zis demann ou pour annan en gran respe* pour Zeova ou Bondye,+ fer tou sa ki i demande,+ kontan li, servi Zeova avek tou ou leker e avek tou ou nanm,*+