29 Dan letan ki Peka ti lerwa Izrael, Tiglat-Pileser+ lerwa Asiri ti atak Ionn, Abel-Bet-Maaka,+ Zanoa, Kedes,+ Azor, Gilead+ ek Galile, setadir teritwar Naftali+ antye e i ti pran sa bann landrwa. I ti osi pran zot bann zabitan e anmenn zot Asiri an egzil.+

8 Apre, Aaz ti pran larzan* ek lor ki ti dan lakaz Zeova e dan bann lasanm trezor dan lakaz* lerwa e i ti anvoy pour lerwa Asiri konman en gous.+ 9 Lerwa Asiri ti dakor. I ti mont Damas e pran sa lavil. I ti anmenn bann zabitan an egzil dan lavil Kir+ e i ti touy Rezin.+

3 Apre, mon ti dormi avek* sa madanm ki ti en profet.* I ti tonm ansent e pli tar i ti ganny en garson.+ Apre Zeova ti dir mwan: “Apel li Maer-Salal-As-Baz, 4 parski avan ki sa garson i konnen ki mannyer pour kriy, ‘Mon papa!’ ek ‘Mon manman!’ bann dimoun pou pran bann resours Damas ek bann keksoz Samari devan lerwa Asiri.”+

17 En mesaz kont Damas:+

“Gete! Damas pou nepli egziste konman en lavil

E i pou vin en ta debri.+