• 2 Lerwa 25:8-10
    Labib—Tradiksyon nouvo lemonn

    • 8 Dan senkyenm mwan, setyenm zour sa mwan, setadir dan diznevyenm lannen ki Lerwa Neboukadnezar ti lerwa Babilonn, Nebouzaradann+ sef gard, serviter lerwa Babilonn ti vin Zerizalenm.+ 9 I ti bril lakaz Zeova,+ lakaz* lerwa+ ek tou bann lakaz Zerizalenm.+ I ti osi bril lakaz tou bann zonm enportan.+ 10 Tou larme bann Kaldeen ki ti avek sef gard ti kas bann miray ki ti otour Zerizalenm.+

  • 2 Kronik 34:24, 25
    Labib—Tradiksyon nouvo lemonn

    • 24 “La sa ki Zeova i dir, ‘Mon pou anmenn maler lo sa landrwa e lo son bann zabitan+ e osi tou sa bann malediksyon ki’n ganny ekrir dan sa liv+ ki zot in lir devan lerwa Zida. 25 Mon pou fer sa akoz zot in abandonn mwan+ e zot pe fer lafimen zot bann sakrifis monte avek lezot bondye pour ofans mwan+ dan tou sa ki zot fer. Mon pou pran en gran lakoler avek sa landrwa e mon lakoler pa pou kalmi.’”+

  • 2 Kronik 36:16, 17
    Labib—Tradiksyon nouvo lemonn

    • 16 Me zot ti kontinyen boufonn bann mesaze sa vre Bondye.+ Zot ti ay son bann parol+ e monk son bann profet+ ziska ki Zeova ti vreman ankoler avek son pep+ e ziska ki i ti napa okenn lespwar pour zot ganny sove.

      17 Alor, i ti fer lerwa bann Kaldeen+ atak zot e touy zot bann garson avek lepe+ dan tanp.+ I pa ti pran pitye pour bann garson oubyen bann fiy,* pour bann ki vye oubyen bann ki envalid.+ Bondye ti livre tou keksoz dan son lanmen.+