19 Zeova in fer fondasyon later avek lasazes.+

I’n byen etabli lesyel avek disernman.+

22 I annan Enn ki reste par lao serk* later,+

Ki son bann zabitan i parey bann kasbol.

I pe redi lesyel parey en latwal fen

E i tal li parey en latant pour reste anba la.+

12 I sa Enn ki’n fer later avek son lafors,

Sa Enn ki ti etabli later* avek son lasazes+

E ki ti tal lesyel avek son lentelizans.+

13 Ler i fer zot tann son lavwa,

Delo dan lesyel i fer tapaz+

E i fer bann nyaz* leve lo lorizon.+

I fer zekler tape e lapli tonbe*

E i fer divan sorti dan son bann stor.+

14 Tou dimoun pa rezonnab e zot napa konnesans.

Tou forzron pou onte akoz sa stati*+

Parski sa stati an metal* i anbet dimoun

E zot pa vivan.*+

15 Zot pa vo nanryen,* dimoun i annan rezon monk zot.+

Zot pou ganny detrir ler sa zour kot zot pou bezwen rann kont i arive.

16 Bondye* Zakob pa parey sa bann keksoz,

Parski i sa Enn ki’n fer tou keksoz

E Izrael i baton son leritaz.+

I apel Zeova Sef larme.+