• Deterononm 4:19
    Labib—Tradiksyon nouvo lemonn

    • 19 Ler zot get dan lesyel e vwar soley, lalin ek zetwal, setadir tou sa larme ki dan lesyel, pa les zot ganny tante pour tonm azenou devan zot e ador zot.+ Tousala, Zeova zot Bondye in donn avek tou bann pep ki reste lo later.*

  • 2 Lerwa 21:3
    Labib—Tradiksyon nouvo lemonn

    • 3 I ti rekonstri bann landrwa ladorasyon* ki Ezekya son papa ti’n detrir.+ I ti fer bann lotel pour Baal e fer en poto sakre*+ zis parey Aab lerwa Izrael ti’n fer.+ I ti azenou devan tou sa larme ki dan lesyel e ador zot.+

  • Zeremi 19:13
    Labib—Tradiksyon nouvo lemonn

    • 13 Bann lakaz Zerizalenm ek lakaz bann lerwa Zida pou vin enpir parey sa landrwa, parey Tofet,+ wi, tou sa lakaz kot zot ti al lo zot twa e ofer bann sakrifis avek tou sa larme ki dan lesyel+ e vid bann lofrann diven* avek lezot bondye.’”+

  • Ezekyel 8:16
    Labib—Tradiksyon nouvo lemonn

    • 16 Alor i ti anmenn mwan dan lakour anndan dan lakaz Zeova.+ Dan larantre tanp Zeova, ant sa bout larantre* devan tanp ek lotel, i ti annan apepre 25 zonm. Zot ti’n vir zot ledo avek tanp Zeova e zot figir ti vir dan les. Zot ti pe azenou devan soley dan les.+

  • Zefanya 1:4, 5
    Labib—Tradiksyon nouvo lemonn

    •  4 “Mon pou lev mon lanmen kont Zida

      E kont tou zabitan Zerizalenm.

      Mon pou tir tou tras ladorasyon Baal dan sa landrwa+

      E non bann pret bann bondye etranze* ek bann pret enfidel.+

       5 Mon pou detrir tou bann ki azenou devan soley, lalin ek zetwal* lo twa lakaz,+

      Bann ki azenou e fer serman pour reste fidel avek Zeova+

      E an menm tan fer serman pour reste fidel avek Malkam.+