27 Apre i ti pran en lakoup, i ti remersye Bondye, donn zot e dir: “Bwar, zot tou,+ 28 parski sa i reprezant mon ‘disan+ lalyans,’+ ki pou koule pour ki pese bokou dimoun+ i ganny pardonnen.+

20 I ti fer parey avek lakoup osi, apre ki zot ti’n fini pran sa repa e dir: “Sa lakoup i reprezant sa nouvo lalyans+ gras a mon disan+ ki pou koule pour zot.+

25 I ti fer parey avek lakoup osi,+ apre ki zot ti’n fini pran sa repa. I ti dir: “Sa lakoup i reprezant sa nouvo lalyans+ gras a mon disan.+ Kontinyen fer sa pour montre ki zot pe mazin mwan,+ sak fwa ki zot bwar li.”

8 Me i vwar defo sa pep akoz: “Zeova* in dir, ‘Letan pe vini kot mon pou fer en nouvo lalyans avek pep Izrael ek pep Zida.’ 9 Zeova* in osi dir, ‘I pa pou parey sa lalyans ki mon ti fer avek zot zanset zour ki mon ti atrap zot lanmen e tir zot dan pei Lezip,+ parski zot pa ti gard mon lalyans, alor mon ti aret pran swen avek zot.’

10 “Zeova* in dir, ‘La sa lalyans ki mon pou fer avek pep Izrael apre ki sa letan in pase. Mon pou met mon bann lalwa dan zot lespri e mon pou ekri zot dan zot leker.+ Mon pou vin zot Bondye e zot pou vin mon pep.+

11 “‘Zot pou nepli ansenny zot prosen oubyen zot frer e dir: “Ou bezwen konn Zeova!”* Parski zot tou zot pou konn mwan, depi sa ki pli pti ziska sa ki pli gran parmi zot. 12 Parski mon pou pardonn zot bann move aksyon e mon pou nepli rapel zot pese.’”+