15 Zeova Bondye zot bann zanset ti kontinyen averti zot atraver son bann mesaze. I ti kontinyen averti zot parski i ti pran pitye pour son pep e i pa ti anvi son landrwa reste i ganny detrir. 16 Me zot ti kontinyen boufonn bann mesaze sa vre Bondye.+ Zot ti ay son bann parol+ e monk son bann profet+ ziska ki Zeova ti vreman ankoler avek son pep+ e ziska ki i ti napa okenn lespwar pour zot ganny sove.

33 Dan tou sa ki’n ariv nou, ou ti montre ki ou fer sa ki byen parski ou ti azir avek fidelite. Me nou menm nou ki ti fer sa ki mal.+

7 O Zeova, ou en Bondye ki drwat, me nou nou vreman onte* ozordi. Bann zonm Zida, zabitan Zerizalenm e tou Izrael, bann ki pre e bann ki lwen partou dan bann pei kot ou’n dispers zot i devret onte parski zot pa ti fidel avek ou.+

16 O Zeova, ou toultan fer sa ki byen,+ alor silvouple aret ankoler avek ou lavil Zerizalenm, ou montanny sen. Parski tou dimoun dan zalantour i monk Zerizalenm ek ou pep akoz nou pese ek fot nou zanset.+