6 Zeova i annan en lepe ki pou kouver avek disan.

I pou kouver avek lagres,+

Avek disan bann zenn mal mouton ek kabri,

Avek lagres ki lo ronnyon bann mal mouton.

Parski Zeova i annan en sakrifis dan lavil Bozra,

I’n touy en kantite dimoun dan pei Edonm.+

 7 Bann toro maron pou desann avek zot,

Bann zenn toro ek bann gro toro.

Zot later pou ranpli avek disan

E zot lapousyer pou tou tranpe avek lagres.”

 8 Parski Zeova i annan en zour pour revanze,+

En lannen kot i pou pini bann ki’n fer sa ki mal avek Siyon.+

10 “Sa zour i pour Souvren Senyer, Zeova Sef larme. Sa i en zour pour revanze, i pou revanze kont son bann lennmi. Lepe pou manze ziska son vant i plen e i pou bwar zot disan ziska i nepli swaf, parski Souvren Senyer, Zeova Sef larme i annan en sakrifis dan sa pei ki dan nor, o bor Larivyer Efrat.+

 7 Reste trankil devan Souvren Senyer Zeova, parski zour Zeova i pros.+

Zeova in prepar en sakrifis e i’n fer tou son bann envite vin sen.