27 Dimoun lo later antye pou mazin Zeova e zot pou vin ver li.

Tou fanmir dan tou nasyon pou tonm azenou devan ou.+

 2 Dan bann dernyen zour,

Montanny kot lakaz Zeova i ete

Pou ganny byen etabli par lao bann montanny,+

I pou vin pli o ki bann pti montanny

E tou bann nasyon pou al rasanble laba.+

 3 En kantite pep pou ale e dir:

“Vini, annou mont lo montanny Zeova,

Kot lakaz Bondye Zakob i ete.+

I pou montre nou son semen*

E nou pou mars lo son santye.”+

Parski lalwa* pou sorti Siyon

E parol Zeova pou sorti Zerizalenm.+

10 Sa zour, en dimoun* sorti dan fanmir Zese+ pou debout parey en poto sinyal pour bann pep.+

Bann nasyon pou al rod gidans kot li*+

E son landrwa repo pou ganny glorifye.

 5 Gete! Ou pou kriy en nasyon ki ou pa konnen

E bann dimoun dan en nasyon ki pa konn ou pou tay kot ou.

Zot pou fer sa akoz Zeova ou Bondye,+ sa Enn ki Sen Izrael,

Parski i pou glorifye ou.+

 3 Bann nasyon pou al kot ou lalimyer+

E bann lerwa+ pou al kot ou laglwar ki pe klere.*+

10 “Apre, pep Izrael pou vin parey bann gren disab o bor lanmer ki pa kapab ganny mezire ni konte.+ Dan sa landrwa kot mon ti dir zot, ‘Zot pa mon pep,’+ mon pou dir zot: ‘Zot bann garson sa Bondye vivan.’+

 2 En kantite nasyon pou ale e dir:

“Vini, annou mont lo montanny Zeova

E kot lakaz Bondye Zakob.+

I pou montre nou son semen*

E nou pou mars lo son santye.”

Parski lalwa* pou sorti Siyon

E parol Zeova pou sorti Zerizalenm.

7 “La sa ki Zeova Sef larme i dir, ‘Mon pou sekwe tou bann nasyon e bann keksoz presye* ki sorti dan tou nasyon pou vin dan sa lakaz+ e mon pou ranpli sa lakaz avek laglwar.’+