15 Zeova Bondye zot bann zanset ti kontinyen averti zot atraver son bann mesaze. I ti kontinyen averti zot parski i ti pran pitye pour son pep e i pa ti anvi son landrwa reste i ganny detrir. 16 Me zot ti kontinyen boufonn bann mesaze sa vre Bondye.+ Zot ti ay son bann parol+ e monk son bann profet+ ziska ki Zeova ti vreman ankoler avek son pep+ e ziska ki i ti napa okenn lespwar pour zot ganny sove.

7 Parski mon ti averti zot bann zanset depi zour ki mon ti fer zot sorti Lezip ziska ozordi. Mon ti averti zot plizyer fwa* e mon ti dir zot: “Obeir sa ki mon dir.”+ 8  Me zot pa ti ekoute oubyen ouver zot zorey. O kontrer, zot ti kontinyen antete e zot ti swiv zot move leker.+ Alor mon ti pini zot dapre sa ki ganny dir dan sa lalyans ki mon ti donn zot lord pour obeir e zot pa ti oule obeir.’”