24 Ler bann mesaze Zan ti’n ale, Zezi ti konmans koz avek lafoul lo Zan: “Ki zot ti al gete dan dezer? En zon* ki pe balanse dan divan?+ 25 Kwa alor, ki zot ti al gete? En zonm abiye dan lenz ser?+ Dimoun ki met zoli lenz e pe viv en lavi deliks i reste dan lakaz bann lerwa. 26 Vreman alor, ki zot ti al gete dan dezer? En profet? Wi mon dir zot e i pli enportan ki en profet.+ 27 La sa ki’n ganny ekrir konsernan li: ‘Gete! Mon pe anvoy mon mesaze avan ou,* ki pou prepar ou semen par devan ou.’+ 28 Mon dir zot, napa personn ki’n ne lo later ki pli gran ki Zan, me sa enn ki pli pti dan Rwayonm Bondye i pli gran ki li.”+