• Mark 10:41-45
    Labib—Tradiksyon nouvo lemonn

    • 41 Ler sa dis lezot zapot ti tann sa, zot ti byen mekontan avek Zak ek Zan.+ 42 Me Zezi ti apel zot e dir zot: “Zot konnen ki bann ki paret pe diriz bann nasyon* i annan lotorite lo lepep e bann dimoun enportan i domin zot.+ 43 I pa devret koumsa parmi zot, me sa ki anvi vin enportan parmi zot i devret vin zot serviter+ 44 e sa ki anvi vin premye parmi zot i devret lesklav tou lezot. 45 Parski menm Garson zonm ti vini, pa pour ganny servi, me pour servi+ e donn son lavi* konman en ranson* pour liber bokou dimoun.”+