31 I ti donn zot en lot legzanp: “Rwayonm lesyel i parey en lagrenn moutard ki en zonm ti plante dan son plantasyon.+ 32 Anfet, lagrenn moutard i sa pli pti lagrenn parmi tou bann lagrenn, me ler i’n pouse, i sa pli gran plant dan bitasyon, i vin parey en pye dibwa e bann zwazo i vin reste lo son bann brans.”

18 Alor i ti dir: “Rwayonm Bondye i parey kwa? Avek kwa mon kapab konpar Rwayonm Bondye? 19 I parey en lagrenn moutard ki en zonm ti plante dan son zarden, i ti pouse e vin en pye dibwa kot bann zwazo ti vin fer zot nik dan son bann brans.”+