10 Zezi ti dir: “Fer tou dimoun asize.” Vi ki i ti annan en kantite zerb dan sa landrwa, bann dimoun ti asize. I ti annan apepre 5,000 zonm.+ 11 Zezi ti pran dipen e apre ki i ti’n remersye Bondye, i ti donn tou sa bann ki ti pe asize. I ti fer parey avek pwason e zot tou zot ti ganny kantite ki zot ti oule. 12 Ler zot ti’n manze vant plen, i ti dir son bann disip: “Anmas tou bann restan pour ki nanryen pa ganny gaspiye.” 13 Alor zot ti anmas tou e zot ti ranpli 12 pannyen avek bann morso ki ti’n reste dan sa senk dipen lorz apre ki zot ti’n fini manze.