16 La, bann Farizyen ek Sadiseen ti vin kot Zezi e pour teste li, zot ti demann li pour montre zot en siny sorti dan lesyel.+ 2 Zezi ti reponn zot: “Ler soley pe kouse, zot dir, ‘I pou fer botan demen akoz lesyel i rouz’ 3 e dan bomaten zot dir, ‘I pou fer fre ozordi e lapli pou tonbe, parski lesyel i rouz me i sonm.’ Zot get bann siny dan lesyel e zot konn predir letan me zot pa kapab enterpret bann siny sa letan ki zot pe viv ladan.