21 Apartir sa moman, Zezi ti konmans eksplik son bann disip ki i ti pou bezwen al Zerizalenm, soufer en kantite akoz bann ansyen, sef pret ek profeser lalwa, ganny touye e trwazyenm zour ganny resisite.+

22 Ler Zezi ti ansanm avek son bann disip Galile, i ti dir zot: “Garson zonm pou ganny trair e livre dan lanmen son lennmi,+ 23 zot pou touy li e trwazyenm zour i pou resisite.”+ Sa ti fer son bann disip vreman tris.

31 Osi, i ti konmans dir zot ki Garson zonm i devret pas atraver en kantite soufrans, ganny rezete par bann ansyen, sef pret ek profeser lalwa, ganny touye+ e resisite trwa zour pli tar.+

44 “Ekout atantivman e rapel sa parol, parski Garson zonm pou ganny trair e livre dan lanmen son lennmi.”+ 45 Me zot pa ti konpran sa ki i ti pe dir. Anfet, zot pa ti konpran sinifikasyon sa parol parski i ti’n ganny kasyet avek zot e zot ti per pour demann li kestyon.