2 Me ler Zan, ki ti dan prizon,+ ti’n tann konsernan sa ki Kris ti pe fer, i ti anvoy son bann disip+ 3 pour demann li: “Eski ou sa Enn ki nou pe espere oubyen nou bezwen esper en lot?”+ 4 Zezi ti reponn zot: “Ale e rakont Zan sa ki zot pe tande e vwar:+ 5 Bann aveg pe vwar aprezan,+ bann ki bwete pe marse, bann ki annan lalep+ pe vin pir, bann sourd pe tande, bann mor pe ganny resisite e bann pov pe ganny anonse sa bon nouvel.+ 6 Ere bann ki napa rezon pour tonbe* akoz mwan.”+