27 “Maler lo zot, profeser lalwa ek Farizyen, ipokrit!+ akoz zot parey bann latonm blansi+ ki paret vreman zoli an deor me anndan i ranpli avek lezo dimoun mor ek tou sort kalite lenpirte. 28 Koumsanmenm ki zot ete, zot fer krwar zot fer sa ki byen devan dimoun, me anndan zot ranpli avek lipokrizi e sa ki mal.+

12 Pandan sa letan, en lafoul plizyer milye dimoun ti’n rasanble e zot ti pe mars lo lipye kanmarad. Zezi ti konmans koz avek son bann disip: “Fer atansyon lelven bann Farizyen, setadir lipokrizi.+