26 I ti konmans koz avek lardyes dan sinagog. Ler Prisil ek Akila+ ti tann li, zot ti anmenn li avek zot e eksplik li semen Bondye dan en fason pli egzakt. 27 Deplis, vi ki i ti anvi al Akai, bann frer ti ekri bann disip laba pour ankouraz zot pour byen resevwar li. Alor ler i ti ariv Akai, i ti ed en kantite dimoun ki ti’n vin disip gras a labonte ekstraordiner Bondye. 28 Parski avek bokou devouman, i ti klerman prouve an piblik ki bann Zwif ti mal e i ti montre zot dapre Lekritir ki Zezi i Kris.+

19 Apre sa, pandan ki Apolos+ ti Korent, Pol ti travers dan lakanpanny e desann Efez.+ I ti trouv bann disip laba