2 Toudmenm, i ti osi annan bann fo profet parmi lepep, parey i pou osi annan bann fo ansenyan parmi zot.+ Sa bann dimoun pou etabli an sekre bann sekt ki pou detrir zot lafwa e zot pou menm rezet zot met ki ti aste zot,+ pour sa rezon zot pou ganny detrir vitman.

3 Osi, akoz zot vorasite, sa bann dimoun pou profit lo zot par dir bann keksoz pour anbet zot. Me zot pinisyon ki’n ganny deside depi lontan+ pa pe tarde e zot destriksyon pou definitivman arive.+