-
Zenez 14:17-20Labib—Tradiksyon nouvo lemonn
-
-
17 Ler Abram ti retournen apre son laviktwar lo Kedorlaomer ek bann lerwa ki ti avek li, lerwa Sodonm ti vin rankontre Abram dan Vale Save, setadir Vale Lerwa.+ 18 Apre, Melkisedek+ ki ti lerwa Salenm+ e pret Bondye Tre O+ ti donn Abram dipen ek diven.
19 Melkisedek ti beni Abram e dir:
“Ki Bondye Tre O,
Sa Enn ki’n fer lesyel ek later, i beni Abram.
20 Ki Bondye Tre O i ganny loue,
Sa Enn ki’n donn ou laviktwar lo ou lennmi!”
-