7 Apre Moiz ti dir Aaron: “Vin kot lotel e ofer ou sakrifis pour pese+ ek ou lofrann brile pour ki ou pese+ ek pese ou fanmir i ganny pardonnen. Ofer sakrifis pour lepep+ pour ki zot pese+ i pardonnen, zis parey Zeova in donn lord pour fer.”

8 Deswit Aaron ti al kot lotel e i ti touy sa pti bef konman sakrifis pour son pese.+ 9 Apre, bann garson Aaron ti anmenn disan+ sa pti bef kot li. Aaron ti tranp son ledwa dan sa disan e met li lo bann korn lotel. I ti vid larestan disan ater o bor lotel.+