2 Ler i ti gete, i ti vwar trwa zonm pe debout en zistans avek li.+ Ler i ti vwar zot, i ti taye pour al zwenn zot e i ti tonm azenou devan zot. 3 Apre i ti dir: “Zeova, si mon fer ou plezir, silvouple pas kot ou serviter.

19 Sa de lanz ti ariv Sodonm aswar e Lot ti pe asize kot baro lavil. Ler Lot ti vwar zot, i ti leve e al zwenn zot. I ti tonm azenou devan zot, lafas anba.+ 2 Lot ti dir: “Silvouple, mon bann senyer, vin kot ou serviter. Silvouple, vin pas lannwit kot mwan e nou pou lav zot lipye. Apre sa, zot pou kapab lev boner e kontiny zot semen.” Zot ti dir: “Non, nou pou pas lannwit dan landrwa piblik.” 3 Me i ti telman ensiste ki zot ti al avek li kot son lakaz. Alor i ti prepar en bon repa pour zot, i ti fer dipen san lelven e zot ti manze.