22 Par kont, napa personn parmi bann ki’n vwar mon laglwar ek bann mirak+ ki mon’n fer Lezip e dan dezer me ki’n kontinyen teste mwan+ sa dis fwa e ki pa’n obeir sa ki mon’n dir,+ 23 ki pou vwar sa pei ki mon ti fer serman pour donn zot zanset. Non, ni menm enn parmi bann ki’n mank respe pour mwan pa pou vwar sa pei.+

28 Dir zot, ‘La sa ki Zeova i dir, “Mon fer serman par mon lavi, mon pou fer avek zot egzakteman sa ki mon’n tann zot pe dir!+ 29 Zot pou mor dan sa dezer!+ Wi, zot tou depi laz 20 an an montan ki’n ganny anrezistre, zot tou ki’n konplent kont mwan pou mor.+ 30 Napa personn parmi zot ki pou antre dan sa pei ki mon ti fer serman* pour zot reste,+ apard Kaleb garson Zefoune ek Zozye garson Noun.+

5 Menm si zot konn byen tousala, mon anvi rapel zot ki Zeova* ti sov en pep Lezip,+ me pli tar i ti detrir bann ki pa ti demontre lafwa.+