28 Zezi ti dir zot: “Laverite mon dir zot, ler Bondye pou fer tou keksoz nouvo, Garson zonm pou asiz lo son tronn glorye e zot ki’n swiv mwan pou asiz lo 12 tronn pour ziz sa 12 tribi Izrael.+

28 “Me zot, zot sa bann ki’n toultan la avek mwan+ dan mon bann leprev.+ 29 Mon fer en lalyans avek zot pour donn zot en rwayonm, zis parey mon Papa in fer en lalyans avek mwan pour donn mwan en rwayonm,+ 30 pour ki zot pou kapab manze e bwar atab avek mwan dan mon Rwayonm+ e asiz lo bann tronn+ pour ziz sa 12 tribi Izrael.+

21 Mon pou fer sa enn ki ranport laviktwar+ asiz avek mwan lo mon tronn,+ zis parey mon ti ranport laviktwar e asiz+ avek mon Papa lo son tronn.

4 Mon ti vwar bann tronn e bann ki ti pe asiz lo sa bann tronn ti ganny lotorite pour zize. Wi, mon ti vwar bann* ki ti’n ganny met amor* akoz zot ti rann temwannyaz lo Zezi, akoz zot ti koz lo Bondye e bann ki pa ti’n ador sa bebet sovaz oubyen son stati e ki pa ti’n ganny mark sa bebet lo zot fron e lo zot lanmen.+ Zot ti reganny lavi e zot ti dirize konman lerwa ansanm avek Kris+ pour 1,000 an.