Psonm

119 Bann ki zot fason viv i san repros*

E ki obeir lalwa Zeova pou ere.+

 2 Bann ki swiv son bann rapel+

E ki rod Bondye avek tou zot leker pou ere.+

 3 Zot pa fer sa ki mal

E zot fer sa ki i demande.*+

 4 Ou’n donn lord

Ki nou fer sir nou obeir ou bann komannman.*+

 5 Si selman mon ti kapab reste fidel*+

Pour swiv ou bann lareg!

 6 Alor, mon pa pou onte+

Ler mon egzamin tou ou komannman.

 7 Mon pou loue ou avek tou mon leker,*

Ler mon aprann ou bann lalwa ki zis.

11 Mon gard ou parol parey en trezor dan mon leker+

Pour ki mon pa fer pese kont ou.+

13 Avek mon labous, mon anons

Tou ou bann zizman.*

14 Mon vreman kontan ou bann rapel+

Plis ki tou lezot keksoz ki annan valer.+

15 Mon pou medit lo* ou bann lord+

E reflesir lo ki mannyer ou oule mon viv.*+

17 Demontre labonte anver ou serviter,

Pour ki mon kapab viv e obeir ou parol.+

18 Ouver mon lizye pour ki mon vwar byen

Bann keksoz merveye ki dan ou lalwa.

19 Mon parey en etranze dan sa pei,+

Pa kasyet ou bann komannman avek mwan.

20 Mon vreman anvi

Konn byen ou bann zizman.*

21 Ou koriz bann dimoun arogan,

Bann ki’n ganny modi akoz zot pa obeir ou bann komannman.+

22 Fer dimoun aret mepriz e mank respe pour mwan,

Parski mon’n swiv ou bann rapel.

23 Menm ler bann prens i asiz ansanm pour koz an mal lo mwan,

Ou serviter i medit lo* ou bann lareg.

24 Mon pran plezir dan ou bann rapel,+

Zot menm ki donn mwan konsey.+

27 Fer mwan konpran ki ou bann lord i vedir

Pour ki mon kapab medit lo* bann keksoz merveye ki ou’n fer.+

29 Ed mwan pour ki mon pa vin en dimoun ki anbet lezot+

E fer mwan konn ou lalwa.

32 Mon pou obeir* ou bann komannman avek tou mon leker

Parski ou fer plas pour zot dan mon leker.*

33 O Zeova, ansenny mwan+ ki mannyer pour viv dapre ou bann lareg

E mon pou swiv zot ziska lafen.+

34 Donn mwan lentelizans,

Pour ki mon kapab obeir ou lalwa

E gard li avek tou mon leker.

35 Gid mwan pour mon konnen ki mannyer pour obeir ou bann komannman,*+

Parski mon’n pran plezir dan zot.

36 Fer mon leker mazin ou bann rapel

Dan plas mazin bann profi egois.+

38 Akonpli promes* ki ou’n fer avek ou serviter,

Pour ki dimoun i annan en gran respe pour ou.*

39 Parski ou bann zizman i bon,+

Tir sa laont lo mwan akoz mon per.

41 O Zeova, demontre ou lanmour fidel anver mwan,+

Sov mwan parey ou’n promet.*+

42 Alor mon pou reponn sa enn ki pe provok mwan,

Parski mon annan konfyans dan ou parol.

43 Ed mwan pour kontinyen koz lo parol laverite,

Parski mon annan konfyans dan* ou zizman.

44 Mon pou toultan obeir ou lalwa,

Pour touzour e touzour.+

45 Mon pou mars dan en landrwa ki an sekirite,*+

Parski mon rod ou bann lord.

46 Mon pou koz lo ou bann rapel devan bann lerwa

E mon pa pou onte.+

47 Mon pran plezir dan ou bann komannman,

Wi, mon kontan zot.+

48 Mon pou lev mon lanmen anler ler mon priye akoz mon kontan ou bann komannman+

E mon pou medit lo* ou bann lareg.+

49 Rapel sa parol* ki ou ti dir ou serviter,

Ki donn mwan lespwar.*

50 Sa i rekonfort mwan dan mon soufrans,+

Parski ou parol in gard mwan vivan.

51 Bann ki arogan i monk mwan,

Me mon pa aret obeir ou lalwa.+

52 O Zeova, mon rapel ou bann zizman dan letan lontan+

E zot rekonfort mwan.+

53 Mon’n pran en gran lakoler akoz bann move dimoun

Ki’n rezet ou lalwa.+

54 Ou bann lareg i parey bann sanson pour mwan

Partou kot mon reste.*

55 O Zeova, pandan lannwit mon mazin ou non,+

Pour ki mon kapab obeir ou lalwa.

56 Sa i mon labitid

Parski mon’n obeir ou bann lord.

59 Mon’n egzamin mon fason viv,

Pour ki mon retournen e swiv ou bann rapel.+

60 Mon depese e mon pa tarde

Pour obeir ou bann komannman.+

61 Mon antoure avek lakord bann move dimoun,

Me mon pa oubliy ou lalwa.+

62 Mon leve minwi pour dir ou mersi+

Pour ou bann zizman ki zis.

63 Tou bann ki annan en gran respe pour ou

E ki obeir ou lord, i mon zanmi.+

65 Ou’n beni ou serviter,

O Zeova, parey ou’n promet.

66 Ansenny mwan konnesans ek bon zizman,+

Parski mon annan konfyans dan ou bann komannman.

67 Avan mon ti fer sa ki mal* e mon ti soufer,

Me aprezan mon obeir ou parol.+

69 Bann dimoun arogan i sali mon repitasyon avek mansonz,

Me mon obeir ou bann lord avek tou mon leker.

70 Zot leker pa santi nanryen,*+

Me mwan, mon pran plezir dan ou lalwa.+

71 I bon ki mon’n soufer,+

Akoz sa in fer mwan aprann ou bann lareg.

72 Lalwa ki ou’n donnen i bon pour mwan,+

Pli bon ki mil pyes larzan ek lor.+

Donn mwan lentelizans

Pour ki mon kapab konn ou bann komannman.+

74 Bann ki annan en gran respe pour ou i vwar mwan e zot dan lazwa,

Parski ou parol i donn mwan lespwar.*+

75 O Zeova, mon konnen ki ou bann zizman i zis+

E ki ou’n disiplin mwan* akoz ou fidelite.+

76 Silvouple, ki ou lanmour fidel+ i rekonfort mwan,

Parey ou ti promet* ou serviter.

77 Pran pitye pour mwan pour ki mon kontinyen viv,+

Parski mon pran plezir dan ou lalwa.+

78 Ki bann ki arogan i onte,

Parski zot in fer mwan ditor san okenn rezon.*

79 Ki bann ki annan en gran respe pour ou i retourn kot mwan,

Bann ki konn ou bann rapel.

80 Ki mon swiv ou bann lareg avek tou mon leker,*+

Pour ki mon pa onte.+

81 Mon vreman anvi ki ou sov mwan,+

Parski ou parol i donn mwan lespwar.*

82 Mon lizye i fatige esper ou promes+

E mon demande: “Kan ou pou rekonfort mwan?”+

83 Parski mon parey en boutey lapo ki’n sek dan lafimen,

Me mon pa oubliy ou bann lareg.+

85 Bann ki arogan e ki kas ou lalwa

I fouy bann trou pour mwan.

87 Zot ti pros pour detrir mwan lo later,

Me mon pa’n rezet ou bann lord.

88 Gard mwan vivan akoz ou lanmour fidel,

Pour ki mon kapab kontinyen swiv ou bann rapel.

89 O Zeova, ou parol

Pou toultan reste dan lesyel.+

91 Zot* ankor la ziska ozordi akoz ou bann lalwa,*

Parski zot tou zot la pour servi ou.

92 Si mon pa ti pran plezir dan ou lalwa,

Mon ti pou’n fini mor akoz mon soufrans.+

93 Mon pa pou zanmen oubliy ou bann lord,

Parski ou gard mwan vivan akoz zot.+

94 Mon pour ou, sov mwan,+

Parski mon’n rod ou bann lord.+

95 Bann move dimoun i anvi detrir mwan,

Me mon egzamin ou bann rapel.

96 Mon’n vwar ki bann keksoz parfe i annan en limit,

Me ou komannman napa en limit.*

98 Ou komannman i fer mwan vin pli saz ki mon bann lennmi,+

Parski i gid mwan pour touzour.

99 Mon annan plis bon zizman ki tou mon bann ansenyan,+

Parski mon medit lo* ou bann rapel.

100 Mon montre ki mon annan plis lentelizans ki bann dimoun aze,

Parski mon obeir ou bann lord.

101 Mon pa oule mars lo okenn move semen,+

Pour ki mon kapab obeir ou parol.

102 Mon pa vir ledo avek ou bann zizman,

Parski ou’n ansenny mwan.

103 Ou parol i dou lo mon pale,

Pli dou ki dimyel dan mon labous!+

105 Ou parol i en lalanp pour mon lipye

E en lalimyer pour mon semen.+

106 Mon’n fer en serman e mon pou gard mon parol,

Pour obeir ou bann zizman ki zis.

107 Mon’n soufer en kantite,+

O Zeova, gard mwan vivan parey ou’n promet.*+

108 O Zeova, silvouple pran plezir ler mon loue ou volonterman*+

E ansenny mwan ou bann zizman.+

109 Mon lavi i toultan an danze,*

Me mon pa’n oubliy ou lalwa.+

110 Bann move dimoun in met en latrap pour mwan,

Me mon pa’n rezet ou bann lord.+

111 Mon fer ou bann rapel vin pour mwan pour touzour,*

Parski zot fer mon leker kontan.+

112 Mon determinen* pour obeir ou bann lareg

Tou dilon mon lavi ziska lafen.

113 Mon ay bann ki pa fer keksoz avek tou zot leker,*+

Me mon kontan ou lalwa.+

114 Ou mon landrwa kasyet e mon boukliye,+

Parski ou parol i donn mwan lespwar.*+

115 Reste lwen avek mwan, zot ki fer sa ki mal,+

Pour ki mon obeir bann komannman mon Bondye.

116 Soutenir mwan parey ou’n promet,*+

Pour ki mon kontinyen viv.

118 Ou rezet tou bann ki vir ledo avek ou bann lareg,+

Parski zot koz manti e anbet lezot.

123 Mon lizye i fatige akoz mon pe esper ou pour sov mwan+

E pour vwar ou promes* ganny akonpli.+

124 Demontre ou lanmour fidel anver ou serviter+

E ansenny mwan ou bann lareg.+

125 Mon ou serviter, donn mwan lentelizans,+

Pour ki mon kapab konn ou bann rapel.

126 Letan in arive pour Zeova pran aksyon,+

Parski zot in kas ou lalwa.

127 Sanmenm sa mon kontan ou bann komannman

Plis ki lor, menm plis ki lor pir.*+

128 Alor mon konsider ki tou ou lansennyman* i byen,*+

Mon ay tou move semen.+

129 Ou bann rapel i merveye,

Sanmenm sa mon obeir zot.

130 Ler ou ansenny ou parol, sa i donn lalimyer+

E lentelizans bann ki napa leksperyans.+

131 Mon ouver mon labous gran e mon pran en gran respirasyon,*

Parski mon vreman anvi obeir ou bann komannman.+

132 Get mwan e demontre labonte anver mwan,+

Parey ou’n toultan fer* pour bann ki kontan ou non.+

134 Delivre mwan dan lanmen bann ki fer mwan soufer

E mon pou obeir ou bann lord.

135 Demontre labonte anver* ou serviter+

E ansenny mwan ou bann lareg.

136 Larm i koule dan mon lizye

Akoz dimoun pa obeir ou lalwa.+

137 O Zeova, ou fer sa ki byen+

E ou bann zizman i zis.+

138 Ou bann rapel i byen*

E mon annan konfyans dan zot.

139 Mon devouman i brile dan mwan parey dife,+

Parski mon bann lennmi in oubliy ou bann parol.

140 Ou parol i pir*+

E ou serviter i kontan li.+

142 Ou ladrwatir i eternel+

E ou lalwa i laverite.+

143 Menm si mon pas dan maler ek difikilte,

Mon pran plezir dan ou bann komannman.

147 Mon’n leve avan lizour i fer pour demann ou led,+

Parski ou parol i donn mwan lespwar.*

148 Mon lizye i ouver dan milye lannwit,

Pour ki mon kapab medit lo* ou parol.+

149 Akoz ou lanmour fidel, ekout mwan,+

O Zeova, akoz ou lazistis gard mwan vivan.

150 Dimoun ki fer bann keksoz ki fer onte i vin kot mwan,

Zot lwen avek ou lalwa.

151 O Zeova, ou pros avek mwan+

E tou ou bann komannman i laverite.+

152 Depi lontan mon konn ou bann rapel,

Zot pou dire pour touzour.+

153 Get mon soufrans e delivre mwan,+

Parski mon pa’n oubliy ou lalwa.

154 Defann mwan e delivre mwan,+

Gard mwan vivan parey ou’n promet.*

155 Bann move dimoun pa pou ganny sove,

Parski zot pa’n rod ou bann lareg.+

157 Mon bann lennmi e bann ki persekit mwan i en kantite,+

Me mon pa’n aret swiv ou bann rapel.

158 Mon annan en degou pour bann tret

Parski zot pa obeir ou parol.+

160 Tou ou parol i laverite+

E tou ou bann lalwa* i zis* e i dire pour touzour.

161 Bann prens i persekit mwan+ san okenn rezon,

Me mon* annan en gran respe pour ou parol.+

162 Mon dan lazwa akoz ou parol+

Parey en dimoun ki’n trouv en trezor.*

163 Mon ay mansonz, mon deteste li+

Mon kontan ou lalwa.+

164 Set fwa par zour mon loue ou

Akoz ou bann zizman i zis.*

166 O Zeova, mon annan lespwar ki ou pou sov mwan

E mon obeir ou bann komannman.

167 Mon swiv ou bann rapel

E mon vreman kontan zot.+

168 Mon obeir ou bann lord ek rapel,

Parski ou konn tou sa ki mon fer.+

171 Ki mon labous i toultan loue ou,+

Parski ou ansenny mwan ou bann lareg.

172 Ki mon labous i sant ou parol,+

Parski tou ou bann komannman i byen.*

173 Ki ou lanmen i pare pour ed mwan,+

Parski mon’n swazir pour obeir ou bann lord.+

174 O Zeova, mon vreman anvi ki ou sov mwan

E mon pran plezir dan ou lalwa.+

176 Mon parey en mouton perdi.+ Rod ou serviter,

Parski mon pa’n oubliy ou bann komannman.+