Psonm

84 O Zeova Sef larme,

Ou gran tabernak* i vreman zoli!*+

 2 Mon vreman anvi,

Wi, mon feb telman mon anvi

Al dan bann lakour lakaz Zeova.+

 3 Menm zwazo i trouv en landrwa reste dan ou lakaz

E zirondel* in fer son nik

Kot i pran swen avek son piti

O bor ou gran lotel, O Zeova Sef larme,

Mon Lerwa e mon Bondye.

 5 Ere bann dimoun ki ou donn lafors+

E ki anvi mars lo bann gran semen ki al kot ou lakaz.

 6 Ler zot travers Vale Baka,*

Zot fer li vin en landrwa kot i annan bann sours delo

E i ganny beni en kantite avek premye sezon lapli.*

 7 Zot pou kontinyen marse e deplizanpli zot pou ganny lafors,+

Sakenn ant zot pou vin devan Bondye Siyon.

 8 O Zeova Bondye bann larme, ekout mon lapriyer,

O Bondye Zakob, ekout mwan. (Sela)

 9 Ou menm ki nou Bondye e nou boukliye,*+

Demontre labonte anver sa enn ki ou’n swazir.+

Mon swazir pour debout dan larantre lakaz mon Bondye

Olye reste dan latant bann move dimoun.

11 Parski Zeova Bondye i en soley+ e en boukliye,+

I demontre labonte e donn laglwar.

Zeova pa pou refiz okenn bon keksoz

Avek dimoun ki san repros.*+

12 O Zeova Sef larme,

Sa dimoun ki annan konfyans dan ou pou ere.+