Izai
2 La sa ki Izai garson Amoz ti vwar konsernan Zida ek Zerizalenm:+
2 Dan bann dernyen zour,
Montanny kot lakaz Zeova i ete
Pou ganny byen etabli par lao bann montanny,+
I pou vin pli o ki bann pti montanny
E tou bann nasyon pou al rasanble laba.+
3 En kantite pep pou ale e dir:
“Vini, annou mont lo montanny Zeova,
Kot lakaz Bondye Zakob i ete.+
I pou montre nou son semen*
E nou pou mars lo son santye.”+
Parski lalwa* pou sorti Siyon
E parol Zeova pou sorti Zerizalenm.+
4 I pou ziz bann nasyon
E i pou met lord avek* bann pep.
Zot pou fer zot lepe vin bann pyos
E zot pou fer zot lans vin bann gran kouto.*+
Nasyon pa pou lager avek lezot nasyon
E zot pou nepli aprann lager.+
5 Bann desandans* Zakob, vini,
Annou mars dan lalimyer Zeova.+
6 Parski ou’n abandonn ou pep, bann desandans Zakob,+
Akoz zot annan en kantite keksoz ki sorti dan Les.
Zot fer mazik+ parey bann Filisten
E i annan en kantite zanfan bann etranze kot zot.
7 Zot pei i ranpli avek larzan* ek lor
E zot annan en kantite trezor.
Zot pei i ranpli avek seval
E zot annan en kantite saret.+
8 Zot pei i ranpli avek bann bondye ki pa vo nanryen.+
Zot azenou devan zot bann zidol,
Devan sa ki zot in fer zot menm.
9 Alor zonm i azenou, i ganny imilye
E ou pa kapab pardonn zot.
10 Al dan ros e kasyet dan lapousyer
Parski zot per Zeova
Ek son laglwar merveye.+
11 En dimoun ki arogan pou ganny imilye
E bann dimoun ki arogan pou azenou.*
Sa zour, zis Zeova ki pou ganny loue.
12 Parski sa zour i pour Zeova Sef larme.+
Sa zour pe vin lo tou dimoun ki arogan e orgeye,
Lo tou dimoun, ki swa zot enportan oubyen zot pa enportan,+
13 Lo tou bann gran pye sed Liban ki o
E lo tou bann pye senn* dan Basann,
14 Lo tou bann gran montanny
E lo tou bann pti montanny,
15 Lo tou bann latour ki o e lo tou bann gro miray,
16 Lo tou bann bato Tarsis+
E lo tou bann zoli bato.
17 En dimoun ki arogan pou ganny imilye
E bann dimoun ki arogan pou azenou.*
Sa zour, zis Zeova ki pou ganny loue.
18 Bann bondye ki pa vo nanryen pou disparet konpletman.+
19 Bann dimoun pou antre dan bann kavern ros
E dan bann trou dan later,+
Parski zot per Zeova
Ek son laglwar merveye,+
Ler i leve pour fer later per e tranble.
20 Sa zour, dimoun pou pran zot bann bondye ki pa vo nanryen ki’n ganny fer avek larzan* ek lor,
Ki zot in fer pour zot azenou devan zot
E dan bann kavern ros,
Parski zot per Zeova
Ek son laglwar merveye,
Ler i leve pour fer later per e tranble.
22 Pour zot prop dibyen, aret annan konfyans dan dimoun,
Ki bezwen respire pour li reste vivan.*
Akoz zot bezwen depan lo li?