Psonm
94 O Bondye ki revanze, Zeova,+
O Bondye ki revanze, ki ou lalimyer i briye!
2 O Ziz later,+ leve.
Fer bann ki arogan peye pour sa ki zot in fer.+
3 Ziska kan, O Zeova,
Ziska kan ki bann move dimoun pou kontinyen selebre?+
4 Zot koz bokou e dan en fason arogan.
Tou bann ki fer sa ki mal pe vant zot lekor.
5 O Zeova, zot kraz ou pep+
E fer ou leritaz soufer.
6 Zot touy bann vev, bann etranze
E zot touy bann orfelen.*
8 Zot bann dimoun bet, konpran sa.
Zot bann enbesil, kan zot pou annan bon zizman?+
9 Eski sa Enn ki’n fer* zorey, pa tande?
Eski sa Enn ki’n fer lizye, pa vwar?+
10 Eski sa Enn ki koriz bann nasyon pa kapab koriz zot?+
Li menm sa Enn ki donn dimoun konnesans!+
12 O Ya, ere sa zonm ki ou korize,+
Sa enn ki ou ansenny ou lalwa,+
13 Pour donn li trankilite zour maler,
Ziska en trou i ganny fouye pour bann move dimoun.+
15 Parski ankor enn fwa, zizman pou ganny fer dan en fason ki zis
E tou dimoun ki annan en leker senser pou aksepte sa zizman.
16 Lekel ki pou defann mwan kont bann move dimoun?
Lekel ki pou pran kote avek mwan kont bann ki fer sa ki mal?
20 Eski bann dirizan* ki koronpi i kapab fer en lalyans avek ou*
Ler zot servi lalwa pour fer problenm?+
22 Me Zeova pou vin mon landrwa kasyet* ki an sekirite,
Mon Bondye i mon ros ek mon landrwa proteksyon.+
23 I pou fer zot move aksyon refoul lo zot.+
I pou servi bann move keksoz ki zot lennmi in fer pour detrir* zot.