Psonm
En sanson David.
143 O Zeova, ekout mon lapriyer.+
Ekout mwan ler mon sipliy ou pour ed mwan.
Reponn mwan akoz ou fidelite ek ladrwatir.
3 Parski mon lennmi i tay deryer mwan
I’n zet mwan ater e pil lo mwan.*
I’n fer mwan reste dan fernwanr parey dimoun ki’n mor depi lontan.
5 Mon mazin dan letan lontan.
Mon medit lo tou sa ki ou’n fer.+
Mon kontan reflesir lo* bann keksoz ki ou’n fer.
6 Mon lev mon lanmen pour priy ou.
Mon pe esper* ou parey later sek ki bezwen lapli.+ (Sela)
7 O Zeova, pa tarde pour reponn mwan.+
Mon nepli annan lafors.+
8 Dan bomaten, les mwan tann konsernan ou lanmour fidel,
Parski mon annan konfyans dan ou.
Montre mwan sa semen ki mon devret mars lo la,+
Parski mon depan lo ou.
9 O Zeova, sov mwan dan lanmen mon bann lennmi.
Mon rod ou proteksyon.+
10 Ansenny mwan pour fer ou lavolonte,+
Parski ou mon Bondye.
11 O Zeova, gard mwan vivan akoz ou non.
Sov mwan dan problenm akoz ou ladrwatir.+
12 Akoz ou lanmour fidel, touy mon bann lennmi.+