Let Zid

1 Mwan Zid, en lesklav Zezi Kri, me frer Zak,+ mon pe ekri bann ki’n ganny apele,+ ki Bondye nou Papa i kontan e ki’n ganny proteze pour Zezi Kri:+

2 Ki Bondye i donn zot plis lape, konpasyon* ek lanmour.

3 Mon bann frer ek ser ki mon kontan, menm si mon ti vreman anvi ekri zot konsernan konman Bondye pou sov nou,+ mon ti vwar li neseser pour ekri zot pour ankouraz zot pour kontinyen lite en kantite pour sa lafwa+ ki bann sen ti gannyen enn fwa pour tou. 4 Mon rezon i ki serten dimoun in antre parmi zot an kasyet. Sa bann move dimoun i servi labonte ekstraordiner* Bondye konman en leskiz pour fer zot bann vis*+ e zot pa fidel avek nou sel met ek Senyer Zezi Kri.+ Depi lontan, Lekritir ti’n fini predir ki zot ti pou ganny sa zizman.

5 Menm si zot konn byen tousala, mon anvi rapel zot ki Zeova* ti sov en pep Lezip,+ me pli tar i ti detrir bann ki pa ti demontre lafwa.+ 6 Osi, bann lanz ki ti kit pozisyon ki zot ti annan e abandonn zot landrwa reste dan lesyel,+ Bondye in anmar zot avek lasenn eternel dan en gran fernwanr ziska gran zour zizman.+ 7 Pareyman, Sodonm ek Gomor ek lezot lavil dan zalantour ti osi kontinyen pratik imoralite seksyel* ki degoutan e zot ti satisfer zot bann move dezir kont natir.+ Zot ti ganny pini dan dife eternel e alor zot en lavertisman pour nou.+

8 Malgre sa bann lavertisman, sa bann zonm pe toultan mazin fer sa ki mal, zot pe fer zot prop lekor ek lezot vin enpir. Zot pe mank respe pour lotorite e pe ensilte bann ki Bondye in donn loner.+ 9 Me menm kan sef lanz,*+ Mikael,+ pa ti tonm dakor avek Dyab e i ti pe diskit avek li lo size lekor Moiz,+ i pa ti oze ziz e koz an mal lo li,+ me i ti dir li: “Ki Zeova* i reprimann ou!”+ 10 Me sa bann zonm pe koz an mal lo tou bann keksoz spirityel ki zot pa vreman konpran.+ Me tou sa ki zot konpran, i bann keksoz ki zannimo ki pa rezonnen e ki azir dapre lensten i konpran.+ Sanmenm sa ki fer zot vin deplizanpli move.

11 Domaz pour zot, parski zot in swiv menm semen ki Kaen+ e zot in taye pour fer menm fot ki Balaam+ pour en rekonpans e zot in ganny detrir akoz zot in koz kont bann zonm ki annan lotorite,+ parey Kora ti fer!+ 12 Sa bann dimoun i vin bann festen ki zot fer pour demontre lanmour anver kanmarad,+ me anmezir ki zot fete avek zot, zot parey ros ki’n kasyet anba delo. Zot parey bann berze ki nouri zot lekor san okenn lafreyer.+ Zot parey nyaz ki pa anmenn lapli ki divan i pouse partou kote.+ Zot parey pye fri ki pa raport fri dan son sezon, parski zot in konpletman mor* e zot in ganny derasinen. 13 Zot parey bann gro laroul ki zet lo lans bann keksoz sal ki devret fer zot onte.+ Zot parey bann zetwal ki napa direksyon e zot pou dan en fernwanr terib pour touzour.+

14 Wi, Enok,+ setyenm desandans Adan, ti osi profetize konsernan zot ler i ti dir: “Gete! Zeova* in vin avek plizyer dizenn milye* lanz sen+ 15 pour anmenn zizman lo tou dimoun+ e pour kondann tou bann ki napa respe pour Bondye akoz tou move aksyon ki zot ti fer e pour tou keksoz sokan ki sa bann move dimoun ti dir kont li.”+

16 Sa bann dimoun i kontan konplent+ e plennyen konsernan ki mannyer zot lavi i ete. Zot pe swiv zot prop dezir,+ dir en bann parol pour vant zot lekor e flat lezot* pour zot prop lavantaz.+

17 Me zot ki mon kontan, rapel parol ki bann zapot nou Senyer Zezi Kri ti’n dir* oparavan, 18 parey zot ti abitye dir zot: “Dan bann dernyen zour, i pou annan bann monker ki pou swiv zot prop dezir pour fer bann move keksoz.”+ 19 Zot menm zot sa bann dimoun ki kree divizyon dan kongregasyon,+ ki azir parey zannimo e ki pa spirityel.* 20 Me zot ki mon kontan, batir zot lafwa tre sen* e priye an armoni avek lespri sen,+ 21 pour ki zot reste dan lanmour Bondye,+ anmezir zot espere ki nou Senyer Zezi Kri i demontre konpasyon* pour ki zot a ganny lavi eternel.+ 22 An plis ki sa, kontinyen demontre konpasyon*+ anver bann ki annan dout,+ 23 sov zot+ par tir zot dan dife. Kontinyen demontre konpasyon* anver lezot me fer atansyon e ay menm sa lenz ki’n ganny sali par zot move aksyon.*+

24 Aprezan ki sa enn ki kapab protez zot pour ki zot pa tonbe,* sa enn ki kapab fer zot reste san defo+ avek en gran lazwa devan son laglwar, 25 sa enn ki sa sel Bondye nou Sover atraver Zezi Kri nou Senyer, i ganny laglwar, grander, pwisans ek lotorite depi leternite, la konmela e pour leternite. Amenn.