Zenez

5 Sa i liv listwar Adan. Ler Bondye ti kree Adan, i ti fer li dan resanblans Bondye.+ 2 I ti kree zot zonm ek fanm.+ Zour i ti kree zot, i ti beni zot e apel zot Imen.*+

3 Adan ti viv 130 an, apre i ti ganny en garson ki ti dan son resanblans ki ti parey li e i ti apel li Set.+ 4 Apre ki Adan ti’n vin papa Set, Adan ti viv ankor 800 an e i ti ganny lezot garson ek fiy. 5 Alor an tou, Adan ti viv 930 an e apre i ti mor.+

6 Set ti viv 105 an e apre i ti vin papa Enos.+ 7 Apre ki Set ti’n vin papa Enos, Set ti viv ankor 807 an e i ti ganny lezot garson ek fiy. 8 Alor an tou, Set ti viv 912 an e apre i ti mor.

9 Enos ti viv 90 an e apre i ti vin papa Kenann. 10 Apre ki Enos ti’n vin papa Kenann, Enos ti viv ankor 815 an e i ti ganny lezot garson ek fiy. 11 Alor an tou, Enos ti viv 905 an e apre i ti mor.

12 Kenann ti viv 70 an e apre i ti vin papa Maalalel.+ 13 Apre ki Kenann ti’n vin papa Maalalel, Kenann ti viv ankor 840 an e i ti ganny lezot garson ek fiy. 14 Alor an tou, Kenann ti viv 910 an e apre i ti mor.

15 Maalalel ti viv 65 an e apre i ti vin papa Zared.+ 16 Apre ki Maalalel ti’n vin papa Zared, Maalalel ti viv ankor 830 an e i ti ganny lezot garson ek fiy. 17 Alor an tou, Maalalel ti viv 895 an e apre i ti mor.

18 Zared ti viv 162 an e apre i ti vin papa Enok.+ 19 Apre ki Zared ti’n vin papa Enok, Zared ti viv ankor 800 an e i ti ganny lezot garson ek fiy. 20 Alor an tou, Zared ti viv 962 an e apre i ti mor.

21 Enok ti viv 65 an e apre i ti vin papa Metousela.+ 22 Apre ki Enok ti’n vin papa Metousela, Enok ti kontinyen mars* avek sa vre Bondye* pour 300 an e i ti ganny lezot garson ek fiy. 23 Alor an tou, Enok ti viv 365 an. 24 Enok ti kontinyen mars avek sa vre Bondye.+ Apre personn pa ti vwar li ankor, akoz Bondye ti pran li.+

25 Metousela ti viv 187 an e apre i ti vin papa Lamek.+ 26 Apre ki Metousela ti’n vin papa Lamek, Metousela ti viv ankor 782 an e i ti ganny lezot garson ek fiy. 27 Alor an tou, Metousela ti viv 969 an e apre i ti mor.

28 Lamek ti viv 182 an e apre i ti ganny en garson. 29 I ti apel li Noe*+ e i ti dir: “Sa enn pou rekonfort* nou parski nou bezwen travay dir e rente akoz sa later ki Zeova in modi.”+ 30 Apre ki Lamek ti’n vin papa Noe, Lamek ti viv ankor 595 an e i ti ganny lezot garson ek fiy. 31 Alor an tou, Lamek ti viv 777 an e apre i ti mor.

32 Ler Noe ti ganny 500 an, i ti vin papa Senm,+ Kam+ ek Zafet.+