Psonm

En sanson David.

101 Mon pou sant lo ou lanmour fidel ek lazistis.

O Zeova, mon pou sant bann kantik* pour loue ou.

2 Mon pou azir avek bon zizman ek fidelite.*

Kan ki ou pou vin kot mwan?

Ler mon dan mon lakaz, mon pou fer sa ki byen avek tou mon leker.*+

3 Mon pa pou get nanryen ki mal.*

Mon ay aksyon bann ki’n aret fer sa ki byen.+

Mon napa nanryen pour fer avek zot.*

4 Mon napa en leker rize,*

Mon pa pou aksepte* sa ki mal.

5 En dimoun ki koz an mal lo son prosen an sekre,+

Mon pou fer li reste trankil.*

Mon pa pou toler

En dimoun ki orgeye e arogan.*

6 Mon pou get bann dimoun ki fidel lo later

E zot pou reste avek mwan.

Sa enn ki fidel* pou servi mwan.

7 En dimoun ki anbet lezot pa pou reste dan mon lakaz

E en manter pa pou debout devan mwan.*

8 Tou le bomaten mon pou fer tou bann move dimoun lo later reste trankil*

E mon pou detrir tou bann ki fer sa ki mal dan lavil Zeova.+