Izai
33 Maler pour ou, ou sa enn ki detrir ki pa’n ganny detrir.+
Ou sa tret ki pa’n ganny trair!
Ler ou fini detrir, ou pou ganny detrir.+
Ler ou fini trai, ou pou ganny trair.
2 O Zeova, pran pitye pour nou.+
Nou annan lespwar dan ou.
Vin nou lafors*+ tou le bomaten,
Wi, sa Enn ki sov nou ler nou dan maler.+
3 Bann dimoun i sove ler zot tann en gro tapaz.
Bann nasyon i disperse ler ou leve.+
4 Ou bann keksoz pou ganny anmase parey bann sotrel ki voras i rasanble ansanm.
Bann dimoun pou sot lo la parey en kantite sotrel.
5 Zeova pou ganny glorifye,
Parski i reste anler dan lesyel.
I pou fer ki i annan lazistis ek ladrwatir partou dan Siyon.
6 I fer ou lavi* stab.
I sa Enn ki donn en kantite lasazes, konnesans, delivrans+ e gran respe pour Zeova,+
Sa i son trezor.
7 Gete! Zot bann zonm kouraze i kriye dan semen.
Bann mesaze ki anons lape i plere asodlarm.
8 Bann gran semen i dezerte.
Napa personn ki pe mars lo sa bann santye.
I’n* kas lalyans.
I’n rezet bann lavil.
I napa okenn respe pour dimoun.*+
9 Sa pei i dan dey* e i pe fletri.
Liban i onte,+ i’n pouri.
Saronn in vin parey en dezer
E Basann ek Karmel in fer zot bann fey tonbe parey bann pye dibwa.+
10 Zeova i dir, “Aprezan, mon pou leve.
Aprezan, mon pou glorifye mon lekor.+
Aprezan, mon pou montre mon pwisans.
11 Zot bann plan ek aksyon i parey zerb sek ek lapay sek.
Zot move fason panse pou detrir zot parey en dife.+
12 Bann pep pou vin parey sa ki’n ganny brile avek laso.
Zot pou ganny brile dan dife parey pye pikan ki’n ganny koupe.+
13 Zot ki lwen, ekout sa ki mon pou fer!
Zot ki pros, rekonnet mon pwisans!
14 Dimoun Siyon ki fer pese i per.+
Bann dimoun ki’n aret ador Bondye pe tranble e zot dir:
‘Lekel parmi nou ki kapab reste kot i annan en gro dife?+
Lekel parmi nou ki kapab reste dan laflanm ki pa kapab ganny tennyen?’
15 Sa enn ki kontinyen fer sa ki byen,*+
Ki koz laverite,+
Ki rezet profi malonnet e ki pa fer frod,
Ki rezet gous dan plas rod gous,+
Ki bous son zorey pour li pa tann koz lo mert
E ki ferm son lizye pour li pa vwar sa ki mal.
16 Sa dimoun ki fer sa pou reste anler lo montanny.
Son landrwa kasyet* ki an sekirite pou dan bann landrwa proteksyon ki ganny fer avek ros,
I pou ganny son dipen
E i pou toultan annan delo.”+
17 Zot pou vwar en lerwa dan son laglwar.
Zot pou vwar en pei ki lwen.
18 Ou pou rapel* sa ki ti fer ou per e ou pou dir sa dan ou leker:
“Oli sa sekreter?
Oli sa enn ki ti pez larzan taks?+
Oli sa enn ki ti kont bann latour?”
19 Ou pou nepli vwar sa pep ki arogan,
En pep ki koz en langaz ki tro difisil* pour konpran,
Ki begeye e ki ou pa konpran sa ki zot dir.+
20 Get Siyon, sa lavil kot nou fer nou bann lafet!+
Ou pou vwar Zerizalenm konman en landrwa trankil pour reste,
En latant ki pa pou sanz plas.+
Son bann pike pa pou zanmen ganny tire
E son bann lakord pa pou zanmen kase.
21 Me laba, Zeova, sa Enn Merveye,
Pou vin parey en rezyon kot i annan larivyer ek bann gran transe* pour nou,
Kot bann bato lager pa pou ale
E kot bann gro bato pa pou pase.
22 Parski Zeova i nou Ziz,+
Li menm ki pou sov nou.+
23 Ou bann lakord pou las.
Zot pa pou kapab tenir lema, ni fil lavwal.
Dan sa letan, en kantite keksoz pou ganny partaze.
Menm sa dimoun ki bwete pou ganny en kantite keksoz.+
24 Personn pa* pou dir: “Mon malad.”+
Bann dimoun ki pe reste dan sa pei pou ganny pardonnen zot fot.+