Psonm
Pour direkter lanmizik. Zedoutoun.* Lanmizik ek sanson Asaf.+
77 Mon pou kriy Bondye avek en lavwa for.
Mon pou kriy osekour e Bondye pou ekout mwan.+
2 Ler mon dan problenm, mon rod Zeova.+
Tou dilon lannwit, mon lev mon lanmen anler* ler mon pe priye.
Mon pa kapab ganny konsole.
4 Ou anpes mon lizye* fermen,
Mon trakase e mon pa kapab koze.
5 Mon reflesir lo bann keksoz ki’n arive dan lepase,+
Mon mazin letan lontan.
6 Tou dilon lannwit, mon mazin mon sanson,*+
Dan mon leker, mon reflesir+
E mon fer en kantite resers lo la.
7 Eski Zeova pou rezet nou pour touzour?+
Eski i pa pou zanmen demontre son labonte anver nou ankor?+
8 Eski i pou aret demontre son lanmour fidel pour touzour?
Eski i pa pou akonpli son promes, zenerasyon apre zenerasyon?
9 Eski Bondye in oubliye demontre son labonte?+
Eski i pou aret pran pitye akoz i ankoler? (Sela)
10 Eski mon bezwen kontinyen dir: “Sanmenm sa ki fer mwan soufer:*+
Sa Enn Tre O i nepli enterese avek nou”?*
11 Mon pou mazin sa ki Ya in fer.
Mon pou rapel bann keksoz merveye ki ou’n fer dan letan lontan.
12 Mon pou medit lo tou sa ki ou’n fer
E mon pou reflesir lo lafason ki ou’n azir.+
13 O Bondye, ou bann aksyon i sen.
O Bondye, lekel sa bondye ki pli gran ki ou?+
14 Ou sa vre Bondye ki fer bann keksoz merveye.+
Ou’n montre bann pep ou lafors.+
16 O Bondye, lanmer ti vwar ou.
Wi, lanmer ti vwar ou e i ti tranble.+
Delo profon ti azite.
17 Bann nyaz ti devid delo.
I ti annan loraz ek nyaz dan lesyel
E ou bann fles ti anvole partou kote.+
18 Tapaz ou loraz+ ti parey tapaz bann larou saret lager.
19 Ou ti ouver en semen dan lanmer,+
Wi, en santye atraver bokou delo,
Me personn pa ti kapab vwar ou lepa.