Psonm
Pour direkter lanmizik. En sanson David.
19 Lesyel pe anons laglwar Bondye.+
Bann keksoz ki dan lesyel pe proklanm sa ki Bondye in fer.*+
3 Zot pa koze e zot pa dir okenn parol,
Zot napa lavwa.
Dan lesyel, Bondye in mont en latant pour soley.
5 Soley i parey en nouvo marye ki sorti dan son lasanm.
I dan lazwa parey en zonm for ki pe taye lo semen.
Napa nanryen ki kapab kasyet son lasaler.
7 Lalwa Zeova i parfe,+ i redonn lafors.*+
Bann rapel Zeova i diny konfyans,+ zot fer sa enn ki napa leksperyans vin saz.+
8 Bann lord Zeova i zis,* zot fer leker kontan.+
Bann komannman Zeova i pir, zot fer lizye briye.+
9 Annan en gran respe* pour Zeova+ i bon* e i dire pour touzour.
Bann zizman Zeova i zis,* zot tou zot drwat.+
10 Zot annan plis valer ki lor,
E zot pli dou ki dimyel,+ dimyel ki koule sorti dan gof.
12 Lekel sa dimoun ki kapab konn son prop fot?+
Pardonn mwan* pour pese ki mon’n fer san realize.