Izai
11 En pti brans+ pou pouse lo siko Zese+
E en bourzon+ ki sorti dan son bann rasin pou raport fri.
2 I pou ganny lespri sen Zeova,+
I pou saz+ e entelizan,
I pou donn bann bon konsey e i pou for,+
I pou annan konnesans e en gran respe pour Zeova.
3 I pou pran plezir pour annan en gran respe pour Zeova.+
I pa pou ziz zis dapre sa ki i vwar,
I pa pou koriz zis dapre sa ki i tande.+
4 I pou ziz bann dimoun ki pa enportan avek lazistis*
E i pou koriz dan en fason drwat pour ki bann ki annan limilite lo later i benefisye.
I pou tap later avek sa baton ki sorti dan son labous+
E i pou touy bann move dimoun avek sa souf ki sorti dan son labous.+
5 Ladrwatir pou vin en sang dan son leren
E fidelite pou vin en sang lo son laans.+
6 Lelou pou reste avek pti mouton pour en pe letan+
E leopar pou alonze avek pti kabri.
Pti bef, lyon ek zannimo angrese pou ansanm zot tou*+
E en pti garson pou diriz zot.
7 Bef ek lours pou manz ansanm
E zot piti pou alonze ansanm.
Lyon pou manz lapay parey toro.+
8 En zanfan ki ankor pe tete pou zwe kot en kobra i reste
E en zanfan ki’n sevre* pou met son lanmen lo trou kot en serpan anpwazonnen i reste.
9 Zot pa pou fer okenn keksoz mal+
E zot pa pou detrir nanryen partou lo mon montanny sen,+
Parski konnesans lo Zeova pou vreman ranpli later
Zis parey delo i kouver fon lanmer.+
10 Sa zour, en dimoun* sorti dan fanmir Zese+ pou debout parey en poto sinyal pour bann pep.+
Bann nasyon pou al rod gidans kot li*+
E son landrwa repo pou ganny glorifye.
11 Sa zour, Zeova pou anvoy son lanmen ankor, pour en dezyenm fwa, pour repran larestan son pep ki ankor Asiri,+ Lezip,+ Patros,+ Kous,+ Elam,+ Sinar,* Amat e lo bann zil.+ 12 I pou met en poto sinyal pour bann nasyon e i pou rasanble bann dimoun Izrael ki’n disperse.+ I pou rasanble bann dimoun Zida ki’n disperse dan sa kat kwen later.+
13 Efraim pou aret zalou+
E bann dimoun ki ay Zida pou ganny detrir.
Efraim pa pou zalou Zida
E Zida pa pou ay Efraim.+
14 Zot pou desann vit lo bann montanny* bann Filisten dan was.
Zot pou pran bann keksoz bann dimoun ki dan Les.
Zot pou anvoy zot lanmen kont* Edonm+ ek Moab+
E bann Amonnit pou vin zot bann serviter.+
15 Zeova pou separ* sa labe* ki dan lanmer Lezip+
E i pou lev son lanmen lo Larivyer.*+
I pou soufle en divan so lo son* set larivyer
E i pou fer bann dimoun traverse dan zot sandalet.
16 I pou annan en gran semen+ ki pou sorti Asiri pour larestan son pep ki reste,+
Zis parey i ti annan pour Izrael zour i ti sorti Lezip.