Psonm
En sanson Asaf.+
79 O Bondye, bann nasyon in atak ou leritaz.+
Zot in sali ou tanp sen.+
Zot in fer Zerizalenm vin en ta debri.+
2 Zot in donn bann zwazo lekor mor ou bann serviter pour manze
E zot in donn bann bebet sovaz lekor mor bann ki fidel avek ou.+
3 Zot in vid zot disan parey delo otour Zerizalenm
E napa personn pour anter zot.+
4 Nou bann vwazen i mepriz nou.+
Bann ki otour nou i imilye e monk nou.
5 O Zeova, ziska kan, ou pou ankoler? Pour touzour?+
Ziska kan ou lakoler pou brile parey en dife?+
6 Devid ou lakoler lo bann nasyon ki pa konn ou
E lo bann rwayonm ki pa loue ou non.+
7 Parski zot in touy bann desandans Zakob
E zot in detrir son pei.+
8 Pa fer nou responsab pour fot nou zanset.+
Pa tarde pour pran pitye pour nou,+
Parski nou’n tonm byen ba.
Delivre nou e pardonn* nou bann pese akoz ou non.+
10 Akoz bann nasyon i devret dir: “Oli zot Bondye?”+
11 Ki ou ekout bann prizonnyen ki pe plennyen.+
Servi ou gran pwisans* pour delivre* bann ki’n ganny kondannen amor.+