Psonm
Maskil.* Psonm Etann+ en Ezrait.
89 Mon pou toultan sant lo lafason ki Zeova i demontre lanmour fidel.
Avek mon labous, mon pou koz lo ou fidelite avek tou zenerasyon.
2 Parski mon’n dir: “Ou lanmour fidel pou dire* pour touzour+
E ou’n solidman etabli ou fidelite dan lesyel.”
3 “Mon’n fer en lalyans avek sa enn ki mon’n swazir.+
Mon’n fer en serman avek David mon serviter:+
4 ‘Mon pou solidman etabli ou desandans+ pour touzour
E mon pou fer ou rwayonm* dirize pour zenerasyon apre zenerasyon.’”+ (Sela)
5 O Zeova, lesyel i loue bann keksoz merveye ki ou’n fer,
Wi, kongregasyon bann sen i loue ou fidelite.
6 Parski lekel dan lesyel ki kapab ganny konpare avek Zeova?+
Lekel parmi bann garson Bondye+ ki parey Zeova?
7 Kongregasyon* bann sen i annan en gran respe pour Bondye.+
Bondye i gran e enpresyonan* pour tou bann ki otour li.+
8 O Zeova Bondye bann larme,
Lekel ki pwisan parey ou, O Ya?+
Ou toultan fidel.+
9 Ou kontrol lanmer ler i azite.+
Ler i annan bann gro laroul, ou kalmi zot.+
10 Ou’n kraz Raab+ e ou’n touy li.+
Avek ou lebra for, ou’n fer ou bann lennmi disperse.+
11 Lesyel i pour ou e later i pour ou osi.+
Ou ki’n fer later ek tou sa ki lo la.+
12 Ou ki’n kree nor ek sid.
Montanny Tabor+ ek Ermonn+ i loue ou non avek lazwa.
14 Ou rwayonm* in ganny etablir lo ladrwatir ek lazistis.+
Lanmour fidel ek fidelite i toultan devan ou.+
15 Ere sa pep ki loue ou avek lazwa.+
O Zeova, zot mars dan lalimyer ou figir.
16 Tou dilon lazournen, zot dan lazwa akoz ou non
E zot ganny glorifye akoz ou ladrwatir.
18 Parski nou boukliye i pour Zeova,
Nou lerwa i pour sa Enn ki Sen Izrael.+
19 Sa letan, ou ti dir ou bann fidel dan en vizyon:
21 Avek mon lanmen, mon pou soutenir li+
E mon lebra pou donn li lafors.
22 Napa okenn lennmi ki pou demann li pour pey taks
E napa okenn move dimoun ki pou maltret li.+
26 I pou apel mwan e dir: ‘Ou mon Papa,
Mon Bondye e mon Ros ki sov mwan.’+
28 Mon pou demontre lanmour fidel anver li pour touzour+
E mon pa pou zanmen kas lalyans ki mon’n fer avek li.+
29 Mon pou etabli son desandans pour touzour
E mon pou fer son rwayonm dirize osi lontan ki lesyel i egziste.+
30 Si son bann garson i dezobeir mon lalwa
E zot pa mars dapre mon lord,*
31 Si zot pa swiv mon lareg
Ek mon bann komannman,
32 Alor mon pou pini zot avek en baton akoz zot dezobeisans+
E avek en fwet akoz zot fot.
35 Mon sen e mon’n fer serman enn fwa pour tou.
Mon pa pou koz manti avek David.+
36 Mon pou etabli son desandans pour touzour.+
Son rwayonm* pou dirize osi lontan ki soley i egziste.+
37 Parey lalin, i pou ganny etablir solidman pour touzour
Parey en temwen fidel dan lesyel.” (Sela)
38 Me ou menm ou’n pous li e rezet li.+
Ou’n vreman ankoler avek sa enn ki ou’n swazir.
39 Ou’n kas sa lalyans ki ou’n fer avek ou serviter.
Ou’n zet son kouronn* ater e ou’n mank respe pour li.
40 Ou’n kas tou son bann miray ros.*
Ou’n detrir son bann miray ki protez lavil.
41 Tou sa ki pas o bor li in vol son keksoz.
Son bann vwazen i ensilte li.+
43 Avek son lepe i’n atake, me ou’n fer li rekile
E ou pa’n les li ranport laviktwar dan lager.
44 Ou’n met en lafen avek son laglwar
E ou’n zet son tronn ater.
45 Ou’n fer li vin vye avan ler.
Ou’n fer li onte.* (Sela)
46 O Zeova, ziska kan ou pou kasyet? Pour touzour?+
Eski ou gran lakoler pou kontinyen brile parey en dife?
47 Pa bliye ki mon lavi i kourt!+
Eski i pour nanryen ki ou’n kree bann imen?
48 Lekel ki kapab viv e pa zanmen mor?+
Eski en dimoun i kapab sov son prop lekor dan pouvwar Latonm?* (Sela)
49 O Zeova, pa ou ti demontre ou lanmour fidel dan lepase
Parey ou ti promet David avek fidelite?+ Oli sa bann aksyon?
50 O Zeova, rapel ki mannyer ou bann serviter ti ganny ensilte.
Rapel ki mannyer mon’n oblize siport* lensilt tou bann pep.
51 O Zeova, rapel ki mannyer ou bann lennmi in ensilte sa enn ki ou’n swazir
E ki mannyer zot in koz an mal lo tou sa ki i’n fer.
52 Ki Zeova i ganny loue pour touzour. Amenn e Amenn.+